呢排天氣真係反覆到差啲以為世界末日呀大佬，明明天文台上星期話weekend會轉凍㗎嘛，喺床下底摷返晒啲冷衫出嚟啦，點知呢幾日又熱到廿幾度，唔飲返杯凍嘢都頂唔順呀！咁嘅天氣，人都易病啦，更何況冇屋企返嘅流浪貓仔？

之前都講過啦，流浪貓仔最鍾意就係匿喺汽車引擎度取暖㗎喇，揸車嘅朋友仔真係要小心留意下先出車呀！不過就算有拍一拍車身，貓仔都可能因為瞓得太冧而聽唔出，冇走到出嚟㗎啵，好彩馬來西亞呢個網友個媽媽就遇到個好心人，留咗張字條同佢講聽到佢架車有啲貓仔聲，提提佢檢查下先開車咋！

見到張字條，媽媽即刻call消防員哥哥嚟啦，趴喺車底搵嚟搵去，努力咗一段時間，終於都成功救到貓BB出嚟！

出嚟喇出嚟喇！恭喜晒夫人，係三隻健舞康康嘅貓BB呀！佢哋畀消防員哥哥救出嚟嘅時候都仲合埋眼，睇嚟都出世冇幾耐，貓媽媽又唔喺身邊，真係好彩有好心人留嘅字條咋，唔係佢哋條命仔分分鐘凍過水！

大家記住呀，就算你有冇車都好，都可以為街上嘅流浪貓仔出一分力，拍拍架車或者聽下有冇聲㗎！

封面圖片、資料來源連結：Nur Izzah Zabidi

睇埋：多得好心人寫字條提醒 先救返引擎入面嘅貓仔一命