而家上網shopping送貨好方便啫，不過都有唔少人鍾意面交㗎，就好似識咗個筆友第一次見咁，約定喺地鐵站等，話畀對方聽我家下著黃色衫，下半身著牛仔褲，到見面嘅時候尷尷尬尬咁Say個Hi同驗貨，其實都幾好玩嘅～

約對方面交，除咗方便，其實都係想睇下有冇機會識多個朋友仔啫～最近有個台灣網民同客仔面交AirJordan嘅時候，發現對方竟然係個伯伯呀！乜個孫仔買咗波鞋仲要阿爺幫自己交收咁不孝呀？有冇搞錯呀？

但原來眼前呢個著得仲潮過佢Yeah過佢In過佢嘅伯伯，就係買波鞋嘅客仔本尊呀！呢個潮伯交收完，仲要即刻拎住戰利品，叫個賣家幫佢影返張相，擺明就要Show畀朋友睇佢有潮啦！

原來潮伯唔只識上網買AirJordan，仲連挨豬Account都有，又戴黑超自拍又單手抱狗，真係型到爆呀！個挨豬雖然只係得4張相，但係就有成4000個Followers，薑真係愈老愈潮呀下！潮伯Edison Lai今年已經70歲，不過睇嚟都好貪玩好Enjoy自己嘅生活，呢種態度仲正過佢嘅衣著呀！

封面圖片、資料來源連結：Sean Wang／讓各位Jordan了、edl1947／instagram

丁埋：【潮流教主】去賞櫻啫，阿公你套衫使唔使襯到咁型呀？