做親街訪問啲男仔想搵個點嘅女朋友，實係個個都話要溫柔呀、細心呀、善解人意呀咁嘅，不過轉個頭，身體卻很誠實，一上挨豬見到娘娘派軍糧，咪又cap晒圖慢慢丁。唉，冇計啦，有事業線便是娘吖嘛……

你估有幾多個娘娘天生就咁事業心重呀？十個有九個唔係就搵過醫生幫手，就係用咗升球大墊！仲有嗰一個？都可能係著咗呢件Tee呃你㗎咋！

之前日本都出過件貧乳救星背心，用錯覺令人誤會眼前呢個妹豬胸前偉大，而最近就有2.0版本喇！喺白色Tee上面印咗啲扭曲嘅格仔圖案，再加少少堅係假嘅陰影，咁呢個堅係假嘅假狗，就完成喇。

連攤喺度都可以keep住咁堅挺，呢件貧乳救星真係唔簡單呀！秦沛，唔使再問喇，大奶奶喺度呀！

嗱嗱嗱，不過咁多位妹豬要記住呀，著咗件Tee同男神出街，記得老虎蟹都要用個正面對住佢呀，你估你真材實料到可以橫看成嶺側成峰呀？側成風就有你份……

戴返大大個頭盔先，女性嘅價值唔應該單用外表或者身材去衡量，毛毛post呢件衫，都係想感嘆下，原來將視覺藝術同時裝mix埋一齊嘅效果係咁意想不到啫！

封面圖片、資料來源連結：vvstore.jp

同場加映：【視覺藝術】有咗呢件背心邊個仲敢笑我飛機場？