追尋夢想呢啲嘢好似好老土，但係又真係有人由十幾年前做完一樣嘢畀人恥笑，到大家恥笑到有感情，恥笑到掛住佢，佢又可以再走返出嚟做返同一件事而畀人肯定喎！

娃娃舜一復出，佢個facebook專頁噚日就衝破咗一萬個like喇！！！真係喜上加喜呀 ！

佢呢句：「每人其實也需要一個機會而已，而不是一個結果。但如果結果令到大家開心，自己都覺得之前的一切和付出，是值得的，希望大家也一起努力，多謝大家。」真係仲勵志過嗰啲咩人生教練呀，娃娃舜，你係得嘅！

就係咁，一個都市奇蹟就發生咗喇。連《娃娃愛天下》個原唱林曉培都話娃娃舜呢個故事鼓勵到別人，真係一件好事呀。

所以話其實落雨又有咩好怕喎，一個人只要堅持自己，再多嘅負皮都可以變正皮㗎！

來源：黃宏舜 facebook page、蘋果日報