2015年12月02日 星期三
【曬到眼殘】城城post相冧爆27歲model
毛毛終於明點解人哋話男人年紀愈大愈charm，你睇城城就知啦！佢最近原來同咗個上海model 方媛Moka一齊呀！
噚日新城嫂Moka喺香港機場畀成大班記者圍住狂影，驚到不知所措係度又掩面又呀呀叫咁，呢個毛文，城城就喺遠處以白馬王子嘅姿態插住袋咁行過嚟保護Moka，接佢上車。嘩，真係型到呀！
到咗夜晚，城城仲喺微博post咗張同Moka嘅拖手相，話「這樣開車要慢一點」！而Moka就覆返佢「嗯！慢～慢～開（心心）」，曬到毛毛夜媽媽都都戴返副超呀。啱啱先見完又要網上傳情，傳畀邊個睇喎！聽講城城同熊黛林一齊咗咁多年都冇公開承認過戀情，今次呢個model就威啦！唉，熊眼睛幽幽的看著這方城……
新城嫂連天王都搞得掂，等毛毛起下佢底先！睇佢微博啲照騙，個樣又幾似Angela嬰兒喎，係差個下巴仔唔夠baby咁尖啫，有啲角度睇仲幾似日本名模Fujii Lena?！最令毛毛驚訝嘅係，原來Moka今年得27歲咋，即係細過半百嘅城城成23年咁多！
唔知27歲嘅新城嫂記唔記得當年城城話過自己30歲前唔會失身呢？如果新城嫂用佢愛人嘅金句嚟做座右銘，城城咪要等多3年…… 不過人哋係真愛，毛毛唔應該諗呢啲嘢嘅。
封面圖片來源：方媛微博、郭富城微博
