家陣生意難做呀，舖頭仔唯有㧓爆頭出盡奇招吸引多啲客仔啦，一時就送禮物，一時就買十送一咁～有時仲要人買夠成千蚊先送一個小印花，儲夠十個印花先可以換一個大印花，儲夠十個大印花就終於可以換到一張5蚊現金券畀你下次消費滿689蚊就可以用喇！

今時今日，咁嘅服務態度係未夠㗎！點先啱？學下台灣呢檔章魚燒啦！將個銀仔收埋喺章魚燒下面，等客人食到最後先發現，驚喜得嚟又真金白銀咁現金回贈，幾抵食呀！

睇怕老闆都係一個唔小心先跌咗個銀仔落去啫，好彩只係10蚊台幣咋～之前都有個懵豬豬老闆順手得滯，將成盒銀紙放入膠袋畀客人仲以為有賊仔呀！唉，台灣真係好呀，食嘢本身已經夠平，仲要有即時現金回贈，嗚呀，這些機會！！！

封面圖片來源：張博傑

資料來源：張博傑、PTT