下星期就踏入農曆七月，係鬼門關中門大開嘅月份。吖，唔知係咪臨近七月怪事多呢，最近有日本網民話喺屋企嗰陣，成日都形住有人望住佢咁喎……嘩！唔係真係咁邪嘛？

媽呀！點解角落頭會有個人樣喺度嘅？係窗簾布成精？定係呢塊窗簾布係殺人兇器嚟，曾經有兇手用過佢嚟笠住人哋個頭呀？望多兩望，佢個樣仲有少少似美術部明豬個樣喎……好邪呀～果然翁！

呢位網民事後就話，其實呢個人樣笨唔係啲咩靈異嘢，只係窗簾布上面嘅摺痕嚟啫～大家可以放心！

雖則話有圖有真相，但自從毛毛見識完私煙bb嘅強大PS技巧之後，毛毛就知道，網絡上嘅嘢係唔可以盡信嘅！話時話，啲摺痕又會啱啱好摺咗個人樣出嚟，仲要兼有埋頭部嘅輪廓咁勁㗎呢可？

圖片及資料來源：kaichikun／twitter