已經冇嘢可以阻止到世人對Pokemon Go嘅喜愛喇！唔單止要日日玩，仲要cosplay埋?呀！

Cos比卡超都叫做正常吖，話晒都係主角喎，但原來而家連Pokestop－即係Pokemon Go入面個藍色地標都有人cos呀！

老老竇竇又真係cos得幾有誠意嘅，著晒緊身衣咁，仲要托住咁大個圓圈，你估唔攰㗎咩！Between，唔知走埋去轉佢個圈圈會有咩跌出嚟畀毛毛呢下？其實除咗專業coser之外，原來呢班普通嘅小精靈訓練員都不知不覺中神還原咗！

有網民就發現，呢一張成班人喺公園掛住捕捉小精靈嘅相，竟然同呢幅幾百年前，由法國畫家畫嘅油畫100％match呀！

睇睇下又真係幾似喎，係爭在以前啲人拎住把遮，而家就個個拎住部手機囉。Any肥，留名等睇有人cos埋純白鎮呀，道場呀下。

圖片來源、資料來源：kacchan120／twitter、71phcat／twitter