毛毛都叫做係閱仔無數，計毛毛話，樣都係其次，有愛心嘅男人先係最有型！最近網上面就瘋傳呢個喺泰國賣煎餅嘅男人，仲話佢係最有型嘅小販喎！睇過睇過～

喂得個背脊，冇正面你話佢係賭神都得啦！其實成件事是咁的，話說呢個小販等緊紅燈嘅時候，發現馬路邊出現咗隻流浪狗，隻狗仲係咁汪佢?！

其他人見到可能會繼續無視隻狗，繼續等轉燈，但呢個小販竟然開始……整煎餅？

單手做其他嘢毛毛都見得多，但係喺馬路一面等紅燈轉一面單手整煎餅，毛毛都真係第一次見。原來呢個小販見隻狗仔好似好肚餓咁，見等緊燈又冇嘢做喎，咪嗱嗱臨整塊餅畀隻狗仔醫肚囉！

有愛心到咁，唔止隻狗仔呀，連毛毛都好似有少少鍾意咗佢呀，hehe～

圖片來源、資料來源：guffie.gift