仲記得細細個過中秋節嗰陣時，有樣嘢係叫做柚皮燈籠嘅。顧名思義，即係喺碌柚皮上面雕出你想要嘅圖案，再喺入面放支蠟燭，咁就大功告成㗎喇！之不過到後來街坊小店愈嚟愈少，連呢啲柚皮燈籠都愈嚟愈難搵嚕。

不過手藝呢樣嘢，只要一日仲有人肯傳承落去，始於唔會咁容易消失嘅！有台灣網民個朋友就身懷呢個雕柚皮嘅絕技喇！

龍貓都畀佢神還原到，仲要勁到連把遮仔都雕埋出嚟，真係隔住個mon都想叫佢幫毛毛雕返個應下節呀！之但係最犀利嘅都唔係呢樣，而係……

原來呢個柚皮龍貓係可以進化成喪屍版龍貓㗎！諗返起都市傳說話龍貓其實係死神嚟，望住佢哋個血盆大口，嗚哇毛毛什麼鬼都怕呀！不過話時話，老老竇竇呢個柚皮龍貓其實又幾抵玩嘅，嗱中秋節又可以應節，放多幾個星期，等到萬聖節又可以拎返出嚟嚇人，一物二用，咪得咗囉！

圖片來源、資料來源：Dcard