雖然已經過咗中秋，但晏晝都仲係熱到一身汗，真係唔食返杯雪糕涼下唔得呀！更何況雪糕軟綿綿又夠晒甜，就算凍到得返零下5度都要照食啦！

呢杯雪糕坐到成條軟皮蛇咁，連一杯雪糕應有嘅姿態都冇！話晒都係軟雪糕，唔好似小雲玩開嘅便便咁嘅樣都唔好出嚟見人啦！臨時演員都係演員，你就算幾軟趴趴都係雪糕，拎啲精神出嚟！

作為一個毒L，要自已孤伶伶食便利店雪糕已經好陰公，仲要畀杯雪糕鄙視，hea住咁服侍，真係就嚟喊喇……  7仔哥哥呀，你唔想做我生意咪出聲囉，唔使唧到杯雪糕咁樣樣啩…… 

之前有個7仔姨姨都係一樣係唧場新手上路，不過佢嘅錯誤，就正確好多喇。唧軟雪糕嘅嘢，願寧唧得多都唔好唧得又少又7吖嘛，反正啲雪糕係公司嘅，呢個姨姨有前途呀，一定好快升做店長！

人生史上一番適当な店員に人生史上一番意味のわからないソフトクリームを手渡された。 pic.twitter.com/SdUYkPxRtB

— ひらもい わたる (@WATARUHIRA) September 25, 2016

封面圖片、資料來源連結：WATARUHIRA／twitter、SerinaNishiyui／twitter

延伸閱讀：【這就是霸氣】雪糕第二杯半價 但得一個人點做好？