到底騙徒手法有幾層出不窮？毛毛唔用說話嚟答你哋，毛毛用例子嚟答你哋。

最近，湖北就有位李生喺果欄用88蚊人民幣買咗一箱重12.5公斤嘅蘋果，點知到佢打開個紙皮箱一睇，個紙皮邊咁多水泥嘅？於是佢再秤一秤呢個注滿水泥嘅紙皮箱……個箱竟然有成3.5公斤咁重喎！數學題，蘋果一箱重12.5公斤，水泥紙皮箱重3.5公斤，求李生心理陰影面積。

而賣家嗰邊就話，個紙皮箱係其他水果供應商運嚟，唔關佢哋事㗎～仲話紙皮箱有水泥呢樣嘢喺行內已經唔係咩秘密?！另外，都有另一位同行表示，其實喺紙皮箱裏面注入水泥，除咗係想賺多啲錢之外，其實都係為咗令個紙皮箱硬淨啲，冇咁易壓爛嘅。

計毛毛話，其實個水泥紙皮箱都係重3.5公斤啫，又唔係重足12.5公斤，個箱入面仲有蘋果都算好好啦！係咪呀哈姆太郎？

資料來源：騰訊大楚網