以前細個，女仔就一定係玩美少女戰士呀公主呀咁，男仔就玩四驅車呀數碼暴龍呀寵物小精靈呀咁啦，不過而家大個咗，仲邊有咁分㗎，不知幾多妹豬鍾意小精靈呀！

新加坡有個廿四孝好老公知道佢老婆仔最鍾意就係秦煌卡比獸，所以就上網買咗3隻卡比獸公仔諗住送畀佢做生日禮物啦～有時夫妻之間互相送下小禮物，畀個surprise對方，又係幾sweet嘅！

點知過咗幾日，佢竟然收到3隻超巨型卡比獸呀！佢本身以為係細細隻嘅公仔，可以擺喺電腦枱上面陪住老婆呀嘛，佢話買嗰陣都覺得好貴㗎喇，但就以為係因為而家興Pokemon先咁貴，完全冇留意過個size！

隻卡比獸有成150cm咁高，有咩迫得過擺隻咁巨型嘅公仔喺屋企？就係擺3隻呀…… 一擺完呢幾隻嘢都已經冇咗半個廳啦，激到佢老婆生蝦咁跳，仲話佢唔搞掂呢幾隻嘢就要搬返娘家住呀！不過都好彩，有網民見個老公咁慘，就幫佢接收咗啲卡比獸，救返一段破裂邊緣嘅婚姻！

呢幾隻害到個好老公驚喜變驚嚇嘅卡比獸仲要（-_-）咁嘅樣攤晒喺度，真係好想問下到底而家邊個無奈啲囉…… 

封面圖片、資料來源連結：Sern Tay／Pokémon GO Punggol

延伸閱讀：【很想要吧？】出嚟啦！卡比獸！ 大大個肚腩一嘢攤落去