根據毛聊調查顯示，香港人去日本旅行嘅原因不外乎係食、買、同睇櫻花。不過都係嗰句，哪有咁多假咩，你老_.....既然冇得去咯，咪惟有用住呢支日本出嘅櫻花鉛筆先囉！

可能你會話，唓咪又係普通一支筆！嗱，要知道日本仔出品，係永遠唔會令到世人失望㗎！其實為咗整呢隻櫻花色出嚟，係要先油上三層白色，再加三層粉紅色，最後打返啲珠光，先溝到而家呢隻色出嚟㗎！

你以為整呢個櫻花型鉛筆杆好容易？少年你太年輕了，為咗有最完美嘅櫻花形狀，負責嘅日本公司用咗一年半先整到出嚟。而如果你刨筆嘅話就會發現，支筆連鉛筆屑都係花瓣形狀嚟㗎！

一路刨筆一路望住啲花瓣鉛筆屑飄落嚟你都咪話唔浪漫，真係想即刻聽返首《櫻花樹下》嚟應應景呀！

圖片來源、資料來源：atpress.ne.jp