食軟雪糕嚟講，識食一定係揀用筒裝，唔揀紙杯裝，大家都係咁多錢，梗係揀個食得落肚嘅雪糕筒抵好多啦！加上個筒又甜又脆，配埋軟滑嘅雪糕，真係perfect match呀！其實雪糕筒咁好食，應該配其他甜品都一樣咁正㗎啵？

毛毛終於搵到用雪糕筒配布甸嘅甜品高手喇！不過佢就唔係用裝軟雪糕嗰隻雪糕筒，而係用馬路邊嗰啲！

用雪糕筒整出嚟嘅布甸，正路都應該係三角錐體嘅，諗落都幾靚咁呀，同人講自己整咗個「布甸山」出嚟，夠晒睇頭呀，實威過威士忌！

不過，理想同現實，就好似活喺唔同時空咁，永遠都唔會一齊出現……係人都知布甸軟綿綿，掂下都散㗎啦。呢個布甸有成3kg咁重，最底層受唔住上面咁重，所以一喺個筒度倒出嚟就散晒喇，就咁睇落，同喺飯盒入面經歷360度大迴旋嘅蒸水蛋冇乜分別囉……

個賣相係就係差啲，不過都feel到佢本身係又香又滑嘅！用雪糕筒整布甸咁好玩，記得食得唔好嘥，唔好又要爾康出埸呀！

カラーコーンプリン！！！開けました！！！！大成功です！！！！！！ pic.twitter.com/oPz5IxHrYL

— とっとりー (@Ttr_TeiO) November 13, 2016

封面圖片、資料來源連結：Ttr_TeiO／twitter