喺廁所開完大返唔到出去不外乎幾個原因：廁所冇廁紙、整污糟咗條褲同門鎖壞咗。不過以下呢位日本網民嘅情況就以上皆非喇，考下你睇唔睇得出咩問題？

係咪個智能廁所冇電？定係個廁所冇駁sss渠呀？度門冇穿又無爛，唔通係古惑的門，要趟先開到？好似冇問題，又好似有啲問題。咁不如睇多幅啦。

哦～咁⋯⋯即係邊度有問題呀？兩邊都有門柄，又有門鎖。咪住先，個鎖係出面嘅！咦，呢個設計好新穎喎，喺入面要用鎖匙開門鎖門，但係喺外面就可以隨時開鎖。唔通怕有人喺廁所暈低，所以特登設計到咁？

梗係為有殺人癖好嘅變態狂魔特殊設計，等佢哋唔使下下拎住個斧頭劈開度門劈咁耐先捉到人喇！真係好體貼，好sweet呀～～

其實係呢位日本網民新居入伙先發現個門鎖裝錯咗，所以PO上twitter畀大家恥笑下囉。冇事嘅～而家搵咗師傅整返喇～不過之前未整好嗰陣，如果一個人住去廁所都幾驚，去去下個門鎖開咗嘅話⋯⋯

封面圖片及資料來源：＠nagi_sa_ten／twitter