由細到大，毛毛心入面都一個疑問想問老師，不過驚佢口啞啞唔識答會落佢面先唔問啫。到底點解做學生要學咁多科，但係老師就唔使教晒咁多科喎，公平咩！不過大個仔之後先知，其實老師都好辛苦嘅，每逢考試時候，學生就要咪書呀，老師要諗出咩試題都一樣搲爆頭㗎！

睇下呢份日本嘅英文考試卷，咩話？PPAP？老師，我知你又要開會又要改功課又要出卷好辛苦，不過都唔使連PPAP都拎嚟出問題啩……唔係唔係，學生邊敢話你hea呀，知你想送分㗎喇，不過作為乖學生都忙住溫書唔得閒上網聽歌啫！

唔止日本呀，台灣都有個老師喺英文試卷醒咗條送分題畀大家，問下到底大叔have啲乜呀！唔好睇少呢條問題呀，雖然只係得一分，但分分鐘可以將你由肥佬嘅深淵拉返上嚟！Btw，又話英文試卷嘅，「送分題」好應該用返英文「give fun tai」先係喎老師！

今年のセンター試験予想問題 pic.twitter.com/RW2VGabBlD

— みすま (@msmt9) January 11, 2017

封面圖片、資料來源連結：msmt9／twitter

延伸閱讀：【PPAP送分題】今次仲唔畀我搵到一題係我識答嘅？！