新正頭去親戚屋企拜年，最大活動梗係開枱打返幾圈聯誼聯誼啦，唔係點坐幾個鐘呀大佬，唔識打牌嘅，咪唯有自己住埋一二邊，一路睇第9999次重播嘅星爺經典《九品芝麻官》，一路默默攬住個攢盒咬瓜子囉……

咬到悶悶地，甚至開始質疑自己嘅本身會唔會係哈姆太郎嘅話，不如試下玩瓜子臉啦。唔係叫你開個app出嚟同姨媽姑姐自拍執相呀，係用瓜子砌個堅・瓜子臉出嚟呀！砌返一粒鐘，砌完出嚟大家又有啲話題傾下，時間咪好易過囉！Btw，大姨媽都一樣可能會問你：乜返學就係學呢啲嘢呀？

如果嫌咁都唔夠勁，就要試下搣橙喇！唔係搣橙分畀大家食呀，係用塊橙皮砌隻噴火龍出嚟！信毛毛啦，姨媽姑姐都仲玩緊Pokemon Go㗎，佢哋實覺得你係傑青㗎，返到屋企話唔定仲會叫仔女學下你?呀！呢舖仲唔幫你阿媽威返次？

再唔係，咪叫班親戚打住牌先，即刻落街執幾塊紅葉返嚟砌返幾隻小精靈過佢囉，分分鐘即刻畀封大利是你?呀～不過唔係喎，香港秋冬都冇咗㗎喇喎，仲邊有紅葉啫。

暇すぎてみかんがリザードンに、なたよ〜 pic.twitter.com/TgiPBwet6l

— 川瀬福太郎 (@fnon0308) January 21, 2017

封面圖片、資料來源連結：卓佑全、fnon0308／twitter

睇埋：【會唔會太勁】用紫蘇葉就砌到隻哥斯拉出嚟係咩玩法

【秋日限定】紅葉小精靈