最近，有台灣網民發起咗「善心衣架」行動。喺台北車站附近設置衣架，將唔要嘅衣物放喺度，等有需要嘅人可以隨意拎走，同時亦呼籲其他市民將唔要嘅衣物放低，轉贈畀有需要嘅人。

雖然呢位網民喺前日下晝兩點set好「善心衣架」之後一直留守到當日夜晚7點半先走，期間都見到衣架上面嘅衣物數量增加，但由於放喺度嘅衣物始終有限，所以到噚日中午就畀有需要嘅人拎走晒嚕。

而附近一位小販見到都幫手收好個衣架，費事個衣架畀人當垃圾咁抌咗去，小販呢個小小嘅舉動都令呢位網民好感動！

喂，見到自己發起嘅「善心衣架」行動搞得咁成功，唔係就咁畀佢停呀？於是呢位網民噚晚又再set多次「善心衣架」，而今次仲多咗唔少熱心市民幫手?～唔止咁，有家長仲帶埋小朋友嚟做義工，齊齊學習點樣同人分享呀！

事後呢位網民就補充，其實佢之所以自發搞呢個「善心衣架」行動，都係因為見到有好多外國善心牆嘅報導咋。

喂，大家覺唔覺呢班義工朋友仔笑得好開心呀？梗係啦，幫到人又點會唔開心啫！雖然義工數量唔多，可以送畀有需要嘅人嘅禦寒衣物亦都唔多，但幫到一個都係一個吖～老老77，人哋就因為一句「為何台灣沒有」而走去做呢件事嘞，咁香港人呢？

#好嘢值得學呀喂 #正能毛

資料來源：布雷克