新年要有過年氣氛，最好就係買返幾幅揮春貼下，除咗將自己嘅心願同目標掛喺當眼處，畀個（假）希望自己，仲可以間接表達下訴求?～例如將「準時放工」同「升職加薪」掛喺Office度（如果你夠膽嘅話），腦細一定深深感受到你對公司嘅期望啫！不過原來貼揮春仲可以有其他玩法㗎～

新年有咁多乜糕物糕同好嘢食，人哋已經好擔心自己嘅身形㗎啦，你仲要喺個電子磅度貼個滿字，嗚⋯⋯有冇諗過啲年年淨係得體重有步步高陞嘅人幾咁難受先得㗎，毛毛咩都唔知，我唔想知呀！快啲搵人拎走佢呀！

叫你拎走佢，唔係叫你黐落個廁所度呀！究竟係要幾熱愛屙sss嘅人先會將個滿字貼喺個坐廁度呢？一定係成日屙sss唔沖廁嗰啲人嘅傑作喇！下次如果識人係咁，一於貼返個滿字落佢個廁所度，祝福佢黃金滿屋！

除咗個滿字，其實廁所仲可以有好多祝福㗎，介紹返，例如對住一啲比較重口味又或者比較難頂嘅朋友，你又想婉轉啲請佢食＿，可以學下呢個朋友咁黐山珍海味落個廁所度，簡直係比語言偽術更藝術嘅行為藝術呀！但係點解毛毛貼咗身體健康落個銀包咁多年，個銀包都係持續肝硬化㗎⋯⋯嗚⋯⋯

封面圖片及資料來源：Kuo Jun Law‎／爆廢公社、張傑清／爆廢公社