2017年02月25日 星期六
【精神啲】條雙黃線都整得幾有藝術感吖係咪？
去過日本嘅都知，日本啲馬路鋪得有幾平、啲斑馬線髹得有幾整齊㗎啦。之不過下下都鋪到咁整齊邊有style㗎！識整就梗係整到好似以下呢條雙黃線咁，咁先有藝術氣息㗎嘛！
嘩＿，呢條雙黃線想點呀？
是咁的，話說最近有台灣網民就喺街度發現咗一條嘅疑似由藝術家鋪嘅雙黃線。呢條雙黃線九曲十三彎咁，搞到呢位網民都忍唔住問到底位鋪路工人係咪飲醉咗酒⋯⋯老老竇竇，毛毛望住呢條咁有style嘅雙黃線，毛毛也是醉了。
雖然有網民就解釋話條雙黃線係因為未乾就有車揸埋去，所以先會移位，但即刻就有網民反駁，話就算係咁都只會係留低車胎痕，唔會移位，仲話而家好明顯就連車胎痕都冇條喎。
any肥，無論條雙黃線係畀車搞到移位又好，係鋪路工人搞到咁都好啦，唔通人哋想幫條平平無奇嘅馬路加返啲藝術感又要話過你哋知咩？再講呀，講到唔順眼嘅，呢個上下調轉咗坑渠蓋咪仲唔順眼⋯⋯冇咩嘅話，毛毛去移返正佢先。
