去過日本嘅朋友仔可能都會留意到，唔少傳統日本餐廳都會擺一隻狸貓公仔喺舖頭門外。睇呢隻狸貓戴住斗笠又拎住酒壺呀咁，到底隻狸貓公仔係要嚟做咩㗎呢？

答案好簡單，呢隻狸貓之唔係好似招財貓咁，要嚟招財運、祈求舖頭生意興隆㗎囉！咁又係嘅，隻狸貓公仔肥嘟嘟咁得意，係人見到都鍾意啦，啲客仲唔即刻入去幫襯咩？

之不過，又話隻狸貓公仔好得意嘅？點解以下呢隻狸貓公仔個樣會咁兇神惡煞㗎……

望住呢隻個樣咁惡死嘅狸貓公仔，毛毛隻耳仔開始出現幻聽……毛毛有冇聽錯呀，點解毛毛隔住個mon都聽到隻狸貓公仔講「你大我呀？」嘅？你哋聽唔聽到呀？聽唔到不如我哋再close up少少佢個樣睇下吖！

雖然呢隻狸貓公仔個樣就好惡死，好似喺度講緊「你大我呀？」咁，但有口味獨特嘅網民就話想拎佢嚟做手機wallpaper喎。

sorry，毛毛有冇嚇親有密集恐懼症嘅朋友仔？有嘅話講返聲唔好意思呀下。

こんなに形相の悪いタヌキ初めて見た pic.twitter.com/au8YyEl2hu

— TOWERS（純喫茶とうさぎ） (@towers1961101) 2017年3月3日

資料來源：towers1961101／twitter、yakimono

睇埋：【功夫熊貓】呢個日本機械人個樣會唔會太摟打？