上堂食早餐呢啲咁嘅衰嘢，相信唔少同學仔都試過。咁毛毛都明嘅，倒塔咁早就要起身返學，準時返到班房都偷笑啦，仲邊有時間食早餐啫？不過，雖則話上堂食早餐係人之常情啫，但呢位同學仔都唔使拎咁大把刀出嚟批生果下話？

話說，有位台灣同學仔朝早上堂嗰陣就話個肚餓到扁晒，唔食早餐唔得，於是佢咪開始食佢嘅早餐囉！ok fine，咁你而家食飽啦？可以專心上堂啦？點知呢位同學仔又突然拎個奇異果出嚟，話要食飯後果喎……

之不過呢位同學仔就唔記得帶羹，於是咪唯有拎把刀出嚟批咗啲皮佢囉。喂老老77，呢位同學仔你帶住咁大把刀喺身，應該唔係諗住落咗堂去劈友㗎可？呢位同學仔表示，作為一個專業嘅麵店員工，隨身帶備一把刀都係好正常嘅，55。

any肥，鍾意食生果乜乜乜就梗係會帶定把刀喺身㗎啦！好出奇呀？

資料來源：dcard