2017年03月12日 星期日
【毒L識食】只要有心，納豆加白飯都可以整到高級料理咁樣樣
正苦成日話支持後生仔發展創意產業，話咁先可以「高增值」、搵大錢，毛毛都覺得不能同能更多呀！民以食為天，將創意同美食溝埋一齊就更加好喇，就好似雞蛋仔咁吖，雖然好好食，不過都係平民嘢食，賣唔到咩貴價錢囉，加球雪糕就唔同喇，再整個靚靚地嘅膠杯裝住佢，咪就係upgrade囉，真係好有創意呀，55！港女至愛、打卡必備呀！
香港嘅升級代表就有雞蛋仔吖，日本嘅選手就有納豆喇！好多人都覺得納豆成陣味、黐笠笠咁好嘔心，哼，我哋今日一於幫佢升級大改造，包保連佢親生阿媽都唔認得佢呀！
首先你要有一盒納豆，倒落個碗之後，再裝啲白飯喺面，裝到佢平晒就得㗎喇，唔好貪心呀。跟住就一嘢倒轉佢！
燈燈燈凳！Bonjour！毛毛做咩無啦啦講法文？你睇下呢碟高級料理先啦，係咪好有法式風情先！嗱，咪話唔教精你啦，用大大隻碟裝住細細份嘢食，再落幾滴汁好似畫畫咁做裝飾，咪咩法式風情都出晒囉。記住呀，啲汁一定要唔夠食，得幾滴咁先矜貴㗎。就嚟清明，到時咪整畀女女食囉，Merci！
ただの納豆ご飯をフランス料理のようにいただく方法。 pic.twitter.com/73TgBr5lEe
— 畠山豪介 (@inava62) March 11, 2017
封面圖片、資料來源連結：inava62／twitter
