大學生住hall最緊要係咩？梗係玩房game唱通K出pool屈蛇做hall-挑……至奇啦！讀得大學都大個仔大個女啦，冇理由高分低能嘅，最重要就係學下點樣獨立，自己照顧自己！唔好以為洗下衫晾下衫呢啲手板眼見功夫好易做呀，畀你做起上嚟都唔係咁簡單㗎！

就好似晾衫咁吖，都有好多唔講你唔知一講你就知嘅技巧㗎，晾冷衫要夾住隻膊、晾樽領衫個衣架要下面穿上去……呢啲你都唔識，OK Fine！晾完定時定候收返入屋做得到喇啩？

台灣有個男同學就大頭蝦，真係唔記得收返條褲喇，仲要足足成個月先醒起呢條被歷史遺忘嘅長褲呀！佢一收嗰陣，已經覺得條褲怪怪地㗎喇，點知一拎落嚟……媽呀！係雀巢呀！

雀呀雀，個褲襠位係就係用嚟擺雀仔嘅，不過就係得一隻腳嘅雀仔，唔係你哋呢啲識飛嘅雀仔囉……

最後，同學仔就好小心咁拎返條褲喇（係呀，佢竟然仲諗住著返囉X）。可惜個雀巢冇蛋呀，唔係佢咪可以連埋個巢著返條褲，順便孵蛋囉，唔使咁客氣喎，反正平時都孵開啦。

封面圖片、資料來源連結：dcard

同場加映：【有咩咁甜呀】放完暑假返嚟條底底竟然生蜂巢