繼早前有日本網民發現地下有塊比牛肉更似牛肉嘅頸巾後，最近又有另一位日本網民發現咗個令人傻傻分不清嘅包裝盒⋯⋯

係呢，唔知大家仲記唔記得《名偵探柯南》入面其中一個反派－琴酒呢？成日戴住黑色帽同著住黑色大褸嗰個呀。有網民話第一眼見到呢個包裝盒嘅時候就見到上面印住琴酒個樣，但有網民又話個包裝盒上面明明印住三件晾緊嘅衫喎⋯⋯媽！到底包裝盒上面印住嘅係琴酒定三件衫呀？

（搣花瓣）琴酒？三件衫？琴酒？三件衫？琴酒？三件衫！

真相永遠只有一個！毛毛望咗幅相成分鐘之後，毛毛終於睇得出包裝盒上面印住嘅係三件晾緊嘅衫，而唔係《名偵探柯南》入面個琴酒喇！

老老竇竇，其實又唔怪得有網民將三件衫睇錯咗做琴酒嘅，話晒《名偵探柯南》都係陪住大家成長嘅動漫之一，印象深刻少少都好正常嘅。再講吖，之前有網民直程將兩條魚睇錯咗做黑衣人?啦！咪又係咁，冇事嘅⋯⋯

これやばくない？？？？？wwwwまじでジンに見えたから焦ったわ pic.twitter.com/R1aPw1jnt5

— kenzo (@orzneek) 2017年4月16日

資料來源：orzneek／twitter、Tendonman_SCP／twitter

延伸閱讀：

【眼力測試】乜地下嗰塊唔係牛肉嚟㗎咩？

【眼力測試】煎到塊pancake有保護色係點做到？

【個心離一離】你哋放閃就算啦 仲要扮埋柯南個黑衣人？

【媽好亂呀】究竟你係似貓嘅狗 定似狗嘅貓呀？