通常嚟講,啲主子一見到奴才揸住支逗貓棒揈嚟揈去,佢哋就會忍唔住即刻走去捉實支逗貓棒,所以唔少奴才都好鍾意用逗貓棒嚟撩主子玩㗎~而最近,日本Twitter就瘋傳咗一張貓貓玩逗貓棒嘅相,而家等毛毛同大家一齊睇下!
是咁的,其實呢張相係來自江蘇一位叫「假面貓耳」嘅網民嘅,相入面嗰隻畀逗貓棒嚇到個身側埋一邊嘅貓貓咪就係佢家主子囉。吖,又估唔到呢隻主子咁叻豬,用一個面容扭曲嘅貓樣就可以揚威海外,令日本網民都瘋傳呢張相啵~
再close up少少睇下佢個貓樣⋯⋯喂老老77,其實呢支只不過係一支淘寶都買到嘅逗貓棒咋嘛,主子你唔使嚇到咁下話?乜支逗貓棒真係咁得貓驚咩?
另外,除咗呢張畀逗貓棒嚇到面容扭曲嘅相之外,呢隻主子仲有唔少表情包流出㗎!
「咪郁!舉高雙手!」
「咪郁又點舉高雙手呀喵⋯⋯」
「邊個話我傻~我請佢食燒鵝~」
btw,計毛毛話,既然主子唔鍾意玩逗貓棒咯,咁咪玩你囉奴才!大家都係主子嘅玩具,不用分那麼細啦!
資料來源:假面貓耳/微博、BothwellKaycee/twitter
延伸閱讀: