對有密集恐懼症嘅人嚟講，見到窿窿簡直就好似世界末日咁，但係對喵星人嚟講就唔同喇！窿窿對佢哋有種難以解釋嘅吸引力，只要有窿窿出現嘅地方，就自然會有喵星人出現瓹窿瓹罅！知道主子鍾意瓹窿，做奴才嘅就梗係要識做啦～

「主子，睇下奴才今日買咗啲咩返嚟孝敬你！唔係大飯碗，係一個圓形兜兜嚟呀，你咁鍾意瓹窿，瞓落去就啱啱好喇！」

睇嚟主子都幾滿意啵……對個包裝盒！佢仲一嘢就瓹入個紙箱度瞓，唔肯出返嚟?！你估畀錢買新床真係為咗張床呀？醉翁之意不在酒，喵皇之意都不在床，而家可以有個咁令主子滿意嘅紙皮箱，奴才你買新床都係值得嘅，主子一定對你重重有賞呀！掌聲鼓勵！

主子嘅心意，又邊係奴才咁易猜得透㗎？經一事就蔡一智，下次想進貢畀主子嘅話，都係去訂造一個五星級紙皮箱好過啦！咩話，你以為收起個紙皮箱，主子就會焗住瞓落個兜兜度？你睇唔睇到有對眼睥實你呀，你梗係未死過頂喇！蠢奴才，仲唔出去執紙皮？！

知ってた pic.twitter.com/rHlYrt6MQJ

— きの (@kino_coban) May 9, 2017

封面圖片、資料來源連結：kino_coban／twitter

同場加映：【今次發達喇】奴才今日買咗個大紙皮箱畀我呀！