2017年05月11日 星期四
【點做到】原來細菌人玩樂器嗰陣係用牙嚟夾住個吹嘴㗎？
通常嚟講，大家玩吹奏樂器嘅時候都係用嘴唇貼住吹嘴，然後吹氣，再帶動管身入面嘅空氣震動，咁先可以發到聲嘅（google大神係咁講）。不過有眼利嘅日本網民就發現，原來《麵包超人》入面嘅細菌人玩吹奏樂器嗰陣就好似同大家有啲唔同咁啵⋯⋯
大家睇真啲，細菌人竟然係用棚牙嚟夾住個吹嘴㗎！
嘩嘩嘩，用牙嚟夾住個吹嘴都唔怕漏風，照樣吹到出聲，到底呢個咁高難度嘅動作係點做到㗎呢？唔通細菌人唔係真吹，係咪嘴嘅？
另外，細菌人棚牙除咗可以用嚟夾樂器吹嘴之外，喺必要時佢棚牙仲會改變形態，可以要嚟放支飲管落去㗎～哼，邊個話「啜」呢個動作一定要嘴唇先做到㗎？而家細菌人依起棚牙都一樣啜到！
btw，講到細菌人最利害之處都莫過於呢張細菌人自殺圖⋯⋯喂，連天敵都冇有怕喎，又點到你唔服呀？
