泰式生菜包，新鮮生菜包住惹味豬肉碎，口感豐富得嚟又唔覺膩，唔少人食泰國菜嘅時候都鍾意叫嚟食㗎。嗱，泰式生菜包大家就食得多啦，咁唔知日式生菜包大家又見過未呢？登登登櫈，毛毛講緊嘅咪就係呢道日式⋯⋯倉鼠生菜包囉！

話說，最近有日本網民就炮製咗一道日式倉鼠生菜包。聽講呢道菜仲好易整，好啱懶人整?～只要你準備好材料，就算你唔落手落腳整，道菜都會自動完成㗎！而材料就非常之簡單㗎啫，只需要一塊洗乾淨嘅生菜，同埋一隻肥美嘅靚倉鼠就得㗎喇！

另外留意返，包嘅時候盡量唔好畀餡料漏出嚟，包到好似以下呢張完成圖咁就最perfect池嘞。

話時話，估唔到倉鼠仔除咗識變身做麻糬之外，而家仲識變身成為生菜包?喎。毛毛諗，聽日一定會更多菜式㗎啫，係咪呀哈姆太郎？

レタスに食べられてる感すごい pic.twitter.com/Z8Rgm558nX

— がんも (@ganmo_chan) 2017年5月26日

資料來源：ganmo_chan／twitter