2017年04月07日 星期五
【使唔使咁靚呀】開學見到呢幾幅黑板畫實寧舍精神啫！
好似冇幾耐之前先講完一堆同畢業有關嘅post咋喎，無啦啦做咩講起開學？因為日本嘅開學日子同香港唔同囉，我哋就9月1號吖，佢哋係4月開學，一年之計在於春㗎～
講起開學，除咗留意有冇同暗戀對象、死黨坐附近呢樣比較有驚喜之外，其餘就係瘋狂抄功課同揭盅邊個做班主任，又要去禮堂聽校長講新一年有咩願景，叫大家訂立新目標……啊啊啊～真係聽到都想打個大喊露呀～如果一入到課室，見到黑板畫咗大大幅畫，一定精神好多啫！
日本呢間學校喺開學日嘅時候，畫滿曬唔同黑板畫，成件事真係好似日劇咁青春呀！咦上面嗰個邊個嚟㗎？唔係用阿Sir個樣加埋Snow效果咁鬼馬呀嘛？小心阿Sir一開學就幫你開齋喎。
雖則幅幅黑板畫都畫到神還原咁樣樣，一啲都冇陣A貨味，不過呢兩幅一定係最貼題喇！嗱，入到班房，同隔籬位個女同學講「你的名字？」咪成功撩到佢傾偈囉，如果佢唔應你，咪扮自己講緊幅畫囉唔係咩呀！
黒板アート！！今年もお疲れ様でした！！((私の担当はポケモンです pic.twitter.com/nHf2H71XfO
— 〒ナナキ固定ツイートみてね！ (@gourgeist8mb) April 6, 2017
封面圖片、資料來源連結：gourgeist8mb／twitter
同場加映：
