警察查案嘅時候，要面對唔同考驗，隨時應對疑犯走佬呀、聲東擊西呀、駁火呀咁，真係鬥智鬥力㗎！不過原來有時呢，連忍笑嘅能力都係打擊罪行其中一個條件嚟㗎！

最近上海警方就post咗張相，話要保持嚴肅都係考驗之一嚟喇。睇得多黑社會電影都知啦，啲江湖人物多數都戴晒金鏈、紋晒公仔㗎嘛，講得冇錯呀，上海警方喺行動中拉到嘅疑犯真係有紋身㗎，你以為係左青龍右白虎？Out晒喇，人哋紋大大個喜羊羊喺背脊㗎！型囉，威囉，疊馬囉，真係嚇到警察都忍唔住笑呀。

估都估唔到，原來壞人都有童真嘅一面……不過咁喎，個行動重點係警方成功拉人好叻叻吖嘛，而家個個人都focus晒喺個喜羊羊紋身度，唔啱規矩嘅。嚟嚟嚟，毛毛幫你打返個格仔呀下，跟足強國做法，唔使客氣喎，攞去啦。

封面圖片、資料來源連結：警民直通車-上海／微博

延伸閱讀：

【終極智將】公安幫疑犯打格　竟然係加馬賽克三個字？

【萌之馬賽克】強國公安用sticker幫疑犯遮樣 會唔會cute咗啲？