喺呢個低頭族嘅年代，無論去到邊都要撳電話是常識吧！毛毛平時出街食飯，都成日見到啲拎埋個手機座出嚟托住部機，一路煲劇一路食嘅妹豬。聽講而家啲手機殼仲先進到後面會連埋個扣，方便你扣住部電話，去到邊睇到邊?！

計毛毛話，其實使咩買呢啲嘢吖！有台灣網友些牙咗佢個開心大發現，只要用一樣個個屋企都有嘅嘢，都可以達到呢個效果㗎！

冇錯，就係喺浴室用嚟掛毛巾嘅掛鉤喇！拆咗佢落嚟，用個吸盤吸實部電話，咪可以放喺張枱上面用囉！

就算係掛喺欄杆度都得！得咗！使咩嘥錢買手機殼喎～

最重要係咩呀？係夠晒特別，唔會同人撞款吖嘛！你諗下你出去食嘢嗰陣，人哋個個都係拎手機座，而你就拎住呢個掛鉤，個場面係幾咁有霸氣！簡直就好似係漆黑中嘅螢火蟲一樣呀！

圖片來源、資料來源：Dcard