媽咪!點解我帶返學校條魚同人哋帶嗰啲唔一樣嘅?

唔少人細細個返學嗰陣都試過種綠豆同寫下觀察日記咁嘅,所謂活動教學吖嘛。而呢班台灣幼稚園同學仔都唔例外,為咗了解一下魚嘅結構同習性,老師就叫佢哋帶條魚返嚟進行觀察活動嘞。

「媽咪!點解你幫我準備嗰條魚同其他同學仔帶返嚟嗰啲唔同嘅?」

圖片來源:Allen Lin/爆廢公社

咦,呢位同學仔你做咩帶條鯉魚返嚟嘅?而家做緊觀察活動,唔係上緊家政堂喎……

嗱,說話就唔可以咁講,家陣鯉魚唔係魚呀?只不過同學仔帶嗰啲係活魚,而你呢條係死魚咋嘛~話明做觀察活動,就梗係要用大魚先可以睇清楚條魚嘅結構㗎啦!你哋帶嗰啲觀賞魚咁鬼細條,點樣樣做觀察啫?分分鐘呢條鯉魚仲貴過其他小朋友啲觀賞魚𠻹啦(以好少入街市嘅毛毛9估)。

圖片來源:24h.pchome.com

老老77,其實帶咗條鯉魚返學校做觀察活動又點吖?有網民話,有次阿媽將電蚊拍當錯咗做羽毛球拍咁放入佢書包𠻹啦,只不過上PE堂拎出嚟嗰陣畀同學瘋狂恥笑啫。between,同學仔你落咗堂就記得帶條魚返屋企喇喎,如果唔係今晚晚餐冇餸就唔好啦!55!

 

資料來源:Allen Lin/爆廢公社、24h.pchome.com​

毛記電視網站 · 版權所有 · 不得轉載 Copyright © TVMOST.COM.HK All rights reserved