【做咩啫你】一打開間房就明晒點解室友話自己病危

你有冇發覺,有啲朋友,明明你識佢嘅時候仲係一個正常人,但係識咗佢一排變咗老友,之後佢就變咗好似喺不正常人類研究中心偷走出嚟咁喇,嗚⋯⋯已經回不去了⋯⋯雖然我哋對住呢朋友通常把口好賤,但係一聽到佢哋有事,咪又係會仆倒咁搵佢哋~

好似台灣呢位網友咁,一聽到自己個Roommate打電話嚟話自己急病,叫佢快啲返嚟,網友就即刻衝返宿舍,諗住幫Roommate執包袱去醫院喇,呢啲朋友去邊度搵呀?點知一打開度房門⋯⋯

圖片來源:dcard

唔通入錯屋開錯隨意門?明明返咗宿舍,點解會去咗醫院嘅喂?睇真啲⋯⋯呢位同學,你真係病得好嚴重⋯⋯

圖片來源:dcard

好彩,都唔係直線,仲有心跳,雖然個心電圖Keep住喺同一個位置。

圖片來源:dcard

識吊梗係拎電話同earphone嚟吊鹽水,想吊幾耐就幾耐,果然電話就係個人嘅精神食糧呀!仲要連接得啱啱好,真係吹你唔漲⋯⋯

圖片來源:dcard

仲要用埋個衫夾夾喺手指度做血含氧量機,不過下次專業啲,搵返隻白色嘅夾好唔好?吊鹽水就梗係要黐實條管係個手背度啦,但係唔係用公仔MT囉⋯⋯

圖片來源:dcard

而好入戲嘅Roommate,就瞓咗喺度,仲不忘自己駁返條氧氣喉𠻹!真係製作認真,同用C Drive上網嘅大台有得揮呀下!

呢位病得咁嚴重嘅朋友,充分咁表現出如何不放棄治療而又不失霸氣。同房嘅兩位Roommate,雖然治療好明顯已經完全放棄咗佢,但係你哋都唔使傷心㗎~正所謂,你的室友如何,你的日子也必如何,聽日佢一定會更Kai㗎啫,你話係唔係呀,哈姆太郎?

封面圖片及資料來源:dcard

毛記電視網站 · 版權所有 · 不得轉載 Copyright © TVMOST.COM.HK All rights reserved