【公平咩】阿媽送我返學校O-day竟然識咗成班靚仔!

人越大就越唔想屋企人送返學放學,你知啦,一陣你阿爸阿媽做咗或者講咗啲奇怪嘢,再唔係嗰日咁啱著得好騎呢嘅話,你返到去實畀同學仔笑餐飽㗎嘛⋯⋯

原來咁都未算最sad,塵世間最痛苦嘅事莫過於你阿媽送你返學,但係佢竟然比你更受歡迎呀!美國有個妹豬返學校迎生日,諗住實可以同阿媽曬下自己識咗幾多朋友仔啦~點知⋯⋯

圖片來源:Avery_Leilani/twitter

圖片來源:Avery_Leilani/twitter

曬命嘅竟然係送佢返學校嘅阿媽呀!阿媽send咗一堆相同個女講自己識咗好多新朋友,仲要件件都係小鮮肉,渾身肌肉,出晒水咁⋯⋯毛毛意思係出晒啲健康嘅汗水啫。

圖片來源:Avery_Leilani/twitter

阿媽仲要同佢哋一齊玩波,又揸又攬咁(講緊個美式足球咋下!),阿媽,你有冇諗過阿女嘅感受呀?阿女去迎生日都冇你咁好節目呀!

圖片來源:Avery_Leilani/twitter

老老77,一世人兩母女,有冇幫阿女抄定牌先?反正你識咗咁多個,讓返一個半個嚟好喎⋯⋯

所以話,年齡未必係女人嘅敵人嚟嘅,只要好似呢個阿媽咁,個樣又keep得好,心境又夠Young,大把仔仔爭住過嚟Hi下Auntie啦!Btw,如果毛毛當年⋯⋯都係冇嘢喇,差啲唔記得O Camp係靚仔靚女先有得去㗎𠻹⋯⋯


封面圖片及資料來源:Avery_Leilani/twitter

毛記電視網站 · 版權所有 · 不得轉載 Copyright © TVMOST.COM.HK All rights reserved