仲記得書展嘅時候，曾經聽過同事一句極富哲理嘅永恆金句：其實唔使特登抽底嗰本嚟買，因為底嗰本都曾經係面嗰本嚟。其實又點止買書係咁呀，買雪糕咪又一樣，係都要伸隻手入雪櫃摷到落最底，拎最入嗰杯雪糕嚟買！不過咁做除咗係因為杯雪糕少人掂過（自己覺得）之外，仲因為貪佢雪得凍啲，冇咁快溶嘅。

咁呢杯雪糕硬成咁，會唔會直頭喺雪櫃個機芯拎出嚟㗎？隻木羹插咗入去，輕輕一潷，咁就R.I.P.喇……木羹咁cheap雞，又點配得上呢杯高貴嘅名牌朱古力雪糕呢？都係出動鐵匙羹罷啦。

出嚟啦，鐵匙羹！有佢幫手，睇你杯雪糕仲走得去邊！咁硬頸吖嗱，一於用鐵匙羹嚇到佢軟晒，咁就實食到啦！

點知，杯咁有性格嘅雪糕一啲都冇心太軟，仍然保拎強硬態度。當硬，遇上更硬，下場就係咁囉，連鐵匙羹都整彎埋……不如都係試下擺杯雪糕喺電腦隔籬，等佢變microsoft啦，咁咪可以慢慢歎囉，蝦蝦。

pic.twitter.com/qrjZZxuopC

— 十龍之介と八乙女楽をよろしくな (@sizbbsiw) January 22, 2017

封面圖片、資料來源連結：sizbbsiw／twitter

延伸閱讀：【前路受重創】究竟我仲要整斷幾多支羹先食到杯雪糕