每個人都總會有啲挫敗嘅時刻，例如啱啱去到個巴士站走車、行到?口走?、考試爭0.5分先合格⋯⋯等等等等。有時衰起上嚟啲衰嘢仲會一齊嚟，你諗住食杯雪糕可以開心返？少年人，你太年輕啦！上天係唔會放過任何一個撚化你嘅機會㗎！

想食杯雪糕啫，使唔使咁對我呀，我做錯咗啲咩呀！唉，啲斷羹多到就嚟插滿成個杯邊，搞到好似咕嚕咕嚕魔法陣阿歌妮個支魔杖咁嘅款，唔通真係拎佢嚟畫魔法陣咩⋯⋯

不過又唔使灰9過灰太狼嘅，你杯雪糕換過支鐵羹，或者擺耐啲咪食得囉～好過連食都無得食呀，講緊咪係呢粒合桃同個合桃夾囉。你話有咩可能連合桃夾咁堅硬都得爛㗎，仲要唔係啲零件鬆咗，係成個夾抦一嘢斷開呀！Well，個夾係Made in China咪有可能囉⋯⋯

以為冇穿冇爛就冇伏？咁你就太天真啦！當一啲應該穿窿嘅嘢冇咗個窿，好似呢支飲管咁⋯⋯你就知道人生充滿幾多無奈。Any肥，由以上嘅事我哋可以知道，遇到啲唔開心嘅嘢嗰陣，唔使怕，因為一定有更sad嘅事等緊你㗎～你話係唔係呀哈姆太郎？

封面圖片及資料來源：YatsuMaga_82／twitter、gakkari_club／twitter、Maikelu73／twitter

回帶：【喊出嚟】封個紙套咪算囉…你做咩要封埋我條飲管喎！