前排全世界都攻擊強國慘無人道嘅狗肉節，有人就喺微博發現原來呢類思想，係強國教科書教㗎。就好似呢課「解決問題的策略」咁，話教啲強國細路點樣四四六六拆掂問題，而個問題竟然係……點樣屈隻貓食辣椒？吓？好很驚呀！

內容大概係咁嘅：

首先小明就問佢兩個friend子點樣可以令隻唔食辣椒嘅貓食辣椒，然後小紅就答，就咁塞入佢個口到咪得囉。河蟹主義嘅小明就立馬反對，表示絕對唔可以使用暴力！

跟住小剛就話嘞，咁餓隻貓幾日，再將啲辣椒夾喺啲肉入面，咁隻貓肚餓咪會食囉。但係仁慈嘅小明都係唔滿意呢個答案，冇嘢食好慘豬㗎嘛。

呢樣又唔得，嗰樣又唔得，咁有乜計？小明就講咗個最體貼、最有愛心嘅方法，就係將辣椒擦喺隻貓嘅屁股度，隻貓覺得嗰度㷫㷫地咯，自然就會用條脷整走佢，咁隻貓唔單止會食到辣椒，仲會覺得興奮?。

佢哋3個聽到即刻發出May姐嘅招牌笑聲蝦蝦蝦蝦蝦……聽到呢啲笑聲，毛孩我淨係覺得好L驚。

不過你哋知唔知，就係全靠強國呢啲教育，先可以培養到堅毅不屈嘅強國人出嚟咋。如果唔係，強國又點樣可以喺全世界嘅壓迫下，突圍而出，領導世界呢？（好似係）

原Link: 正常人辦不出這種事兒微博