前幾日有位巴打喺討論區話同事派紅色炸彈，今次唔係寫明要幾多人情，而係send公司mass mail列個list要咩禮物呀！個list有齊全屋家俬電器加大床，仲指到明要老細送大床，真係結婚就是要霸氣。

1. 點名寫明禮物清單


呢位網民收到個霸氣email請帖嬲到上太空，之後仲話呢個同事細細聲走過嚟叫佢送雪櫃，激到佢差啲喺公司爆粗。其實寫禮物list畀來賓參考喺外國係好興嘅，不過你行西式禮節又要人畀中式人情就咩咗啲囉。

2.  Whatsapp講明人情注意事項

呢位新娘一定係關心到結婚嘅嘢我哋呢啲毒L識條鐵咩，所以send足七大事項比大家注意，當中人情價錢呢啲嘢一定唔係重點，肯肯定唔係。

3. facebook開post表明心意

呢個五百港女當時真係成位一時佳話，係囉結婚唔係開善堂，打開門做生意都係均真啲好。

4.    直接喺張帖上面標價

唉派完帖咁樣提嚟提去又易誤會，人哋又估唔到你其實想收幾多，嗱好似呢對新人咁，明碼實價寫到明入場費現金HKD 2000，咁咪夠晒清楚囉！

毛毛心諗如果我結婚都要諗個再霸氣啲嘅方法去屈返筆先得！不過首先……點解嘅，點解我會突然眼濕濕嘅……

來源：香港討論區