2015年08月04日 星期二
【好L驚】扶手梯食BB車轆
呢排好多電梯意外，前日網民Franko Lun喺「《紙筲箕》社區迷你雜誌」群組上載咗一張時代廣場嘅電梯炒粉嘅相。
電梯嘅膠邊去到地下位置時，突然爆邊，裂開咗十幾條，很黃很暴力！今日就輪到太和廣場出事！
網友Winnie Wong喺「Tai Po大埔」群組表示「有個女人推住BB車落嚟，落到地下BB車個兩個轆就夾住左，Boom一聲之後電梯仲要行緊，係路人之後禁停架電梯」。另外亦都有網民留言表示推BB車就唔應該搭扶手電梯。點都好，啲電梯輪住嚟出事咁，媽呀，好很驚，會唔會有一日話我知原來呢啲梯好似強國啲?咁，手動化，都係人扮揸㗎？
一早嗌咗你哋行多啲樓梯㗎啦，唔止身體好，仲可保長命啲啲?呀（好似係）。
延伸閱讀：【全人手】大媽拉線升降機
