立秋都37度真係想熱死毛毛豬咩，街都唔想出呀！不過毛毛話帶我去食好野消暑喎，唔洗我畀錢我又唔介意呀！hehe~

毛毛話我知，原來PMQ元創方嚟緊會係8月22日至23日舉行日本夏祭，所以開咗好多新餐廳，今次帶我去嗰間就係來自沖繩嘅海之家！



睇啲裝修真係好日式咁喎～仲有榻榻米俾你感受下日本風情畫～店內播住宇多田光同m-flo嘅歌，搞到毛毛豬嘅童年回憶返晒嚟！（係呀毛毛豬細細個就識聽JPOP你吹咩！）

去到點餐嘅時候，我終於發現毛毛帶我嚟嘅陰謀！原來兩個店員都係日本妹豬嚟！唔怪得突然咁好死帶我食好野啦，哼！

不過見到個刨冰咩怒火都無晒，事關真係巧打耳囉！竟然可以將個刨冰變成熊仔樣，配上唔同水果，岩晒我又怕肥但又想食甜品嘅心態。日本妹豬店員仲話可以加唔同嘅醬，但係毛毛豬覺得唔加反而仲食到刨冰嘅奶味。


毛毛呀，而家啲日圓咁平，下次不如直接飛去日本食啦好冇呀?

餐廳資料:

沖縄 美ら海の家 かき氷　（沖繩海之家）

地址：PMQ元創方H104

電話：+852 9123 9951

營業時間：12:00nn - 8:00pm