幾日前有個新娘喺網上鬧爆幫佢影Big Day嘅攝影師，狂數攝影師啲相有幾唔掂！而今日新娘再次開Post，講返佢個萬五蚊Plan嘅內容，有網民就話一分錢一分貨，但其實新娘都只係要求唔好影到斜晒或者Cut咗個頭，正正常常就收貨，咁聽落要求都唔係好高啫，等毛毛睇吓佢投訴啲咩先～

新娘話攝影師影人Cut晒啲頭同身，哦～都仲見到眼耳口鼻吖，啲人郁嚟郁去好難就㗎嘛......咁影死物呢？原來都係會Cut咗忽，連個「囍」字都畀人Cut埋又真係唔係咁好意頭嘅......

根據呢個攝影師嘅特別攝影技巧，佢影接花球應該會Cut走班姊妹，不過唔係，佢淨係冇影到個花球咋！呢種攝影技巧令大家多咗聯想空間，間接提升張相嘅層次，新娘嘅Fd子仲話似跳求雨舞?！毛毛再根據佢特別嘅攝影技巧9估，接新娘應該影唔到新娘......嗚呀毛毛今次終於估啱！毛毛真係切7都諗唔到用咩角度先可以影唔到新娘，而佢就做到呢，佩服佩服！

最後新娘仲投訴攝影師成日低炒，影到兩公婆本身嘅包包面肥上加肥......其實，肥與瘦只係一個比較性嘅問題，當兩個人都同樣size，咪唔會覺得肥囉！

資料來源：香港討論區（上集）、香港討論區（下集）