2015年08月30日 星期日
【又想斬樹？】禮義廉議員即時匯報中頭獎
禮義廉鄭議員遲咗4年先出banner通知大家鰂魚涌站多咗個廁所，結果畀一班廢青取笑，佢今次就吸取經驗，一發現社區有潛在危險，就立馬同廣大巿民匯報，果然係知錯能改，做實事嘅人！
話說鄭議員噚晚跑跑下街嗰陣，中頭獎囉，畀甩石粟扑中。
哎呀，咁大甩，一定好很痛喇，好在鄭議員多毛毛先至冇咁痛咋......鄭議員痛定思痛，將心比己，關顧區內居民，於是立馬就喺facebook度同大家匯報自己中頭獎嘅事。嗯，根據佢哋黨嘅過往功績，一發現到呢啲有潛在危險嘅樹，應該要「斬立決」囉！仲等咩呀，等啲石粟擲中多幾個人咩？
between，喺facebook出post唔夠㗎，快啲出返張banner先啦，反正禮義廉出咗名環保，啲banner都係剪剪貼貼上去之嘛，毛毛幫你整咗張喇，拎去使啦。
