肥有冇罪我就唔知，毛毛淨係知，明明唔肥又話自己肥就肯肯定有罪！噚日嗰隻熊本熊出席熊本縣嘅番茄車出發儀式嘅時候，諗住試下自己手車有幾辣啦，不過就因為條安全帶唔夠長（定佢太肥？），搞到佢扣唔到安全帶呀！

違反咗交通規則就梗係畀人趕落車㗎啦，佢仲嬲到趴咗喺地?！唉，安全最緊要呀嘛，唔好嬲豬啦你！

不過佢已經唔係第一次因為肥而畀人笑㗎喇，之前佢出閘嗰陣都因為太肥而畀班職員笑～咪住先！如果熊本熊搭嘅係港鐵，應該就唔係畀人笑咁簡單㗎喇......由於熊本熊唔識講普通話嘅關係，毛毛有理由相信港鐵職員又會拎把尺出嚟度下佢長闊高過唔過170cm......

OK，畀人笑咪減肥囉！嗱，佢唔係好似啲女仔咁，次次都話食埋今餐先減，佢真係有做運動㗎～

老老竇竇，如果毛毛可以成日攬囡囡，又咁囡囡歡迎，畀人恥笑下又有咩所謂啫！

封面圖片來源：Entame Plex

資料來源：Entame Plex、Jusky