打工仔由踏入社會一刻就開始佢哋答問題人生：見工又畀HR問長問短，返工又畀啲客仔同腦細問問問。高登巴打地獄賓周開咗個post池，大呻身為打工仔，最難答腦細嘅問題係：「你工作上遇到咩困難？」你唔係咁天真豬以為腦細真心咁關心你嘅工作情況，希望定期了解你嘅困難然後提供援助呀嘛？少年你太年輕！呢條問題，絕對可以稱之為「點答都死題」！

當你答「冇」嘅時候，唔係代表你好醒，而係代表你！呃！人！你！講！大！話！講真，腦細都做過細，腦細都知做細有幾難做，而你，竟然答佢冇難度？！一係你就呃緊佢，一係你就暗示緊自己醒過佢！大膽！佢梗係唔滿意，叫你再答過啦！

當你講真話「人工太少工作太多」嘅時候，sor9ry，唔好以為腦細會體諒你，加你人工或者減你工作量，佢只會覺得你懶到隻豬又成日蛇王咁，但又喺度扮獅子開大口！

OK，咁實話實說啦，一樣畀腦細X。呢條問題根本係沒完沒了，無論你點答，腦細都覺得你講嘅困難，其實唔難，係你自己嘅問題，資質未夠啫。唉，腦細你究竟想我答啲乜呀？毛毛知道好多打工仔畀呢條問題KO咗十萬次㗎喇，而家等我畀啲意見你啦，下次腦細再問你，你可以咁答。

嗱，講明先呀，如不合用，實屬巧合。

來源：地獄賓周／高登討論區