你哋班廢青上到車未呀？唉，唔使問都知答案啦......毛毛日日都喺fb見到有人po去日本旅行嘅相，你哋玩奈良鹿玩得咁開心，梗係上唔到車啦！btw，我諗你哋已經唔記得咗由富二代劉鳴煒講出嚟嘅呢句金石良言，等毛毛提返你哋啦～

不過都知你哋班hihi唔會咁聽話㗎喇......想去日本啫，easy執啦！為咗一眾廢青，劉鳴煒之前仲親身示範咗點樣用3000蚊就去到日本兼睇埋戲?！

另外，窮人想呃like通常都係影下自己食咗咩好西，好似生蠔呀龍蝦呀咁，但有錢人就啱啱相反！而劉鳴煒最近都喺fb po咗張食m記嘅相，仲成功呃到127個likes～估唔到佢竟然放低自己尊貴嘅富二代身份，再一次示範點樣犧牲自己，有牛排紅酒都唔食，寧願食個幾廿蚊嘅m記......

唔止呀，佢仲話自己已經係第6晚喺op返工?～嗚嗚，連有錢人都咁勤力做嘢，呢個故事真係好勵志！睇嚟毛毛都要畀心機返工先得......吖，唔知我距離上車嘅日子有冇近到呢？

封面圖片來源：Ming Wai Lau

資料來源：智經Bauhinia、Ming Wai Lau

回帶：【親身示範】劉鳴煒3千蚊遊日兼睇戲？

回帶又回帶：看透世事的劉鳴煒