慘慘豬！野豬仔大鄉里出城，一出到去唔夠幾耐就遇到挫折，棘住咗喺地鐵站前面任人處置！

據聞豬仔唔襟嚇，一見到車就嚇到直衝圍欄避難，但又唔夠苗條穿唔過，結果卡實喺圍欄度呀。而啲城市人睇嚟成世都未見過野豬，圍住佢係咁?，搞到鬼死咁墟冚囉。仲擾攘咗好耐，去到要call消防員哥哥幫手、地鐵又落埋閘先救到佢咋。

距離豬仔出事算係近嘅金山郊野公園一直都有唔少野豬出沒，睇嚟今次隻豬仔都好好可能係由嗰邊過嚟啵。

唔使行山咁大陣仗都都可以親親大自然，葵興人，你哋就爽啦！

封面圖片來源：香港突發事故報料區/Exam Sum

資料來源：香港突發事故報料區, 蘋果日報