啪啪啪yeah！最近奶媽宣布啟動新嘅大型公眾參與運動「欣賞香港」，其中一個項目係康文署轄下博物館會喺出年一月免費開放呀！毛毛自從中學之後，都冇去過妙思淫參觀喇，等我到時日日都去睇展覽，做返個真文青先！

康文署轄下嘅博物館有成18間，有得免費入場，真係諗起都high high地。不過有讀者就發現，原來其中有幾間妙思淫，喺一月嘅時間都有工程，要局部或者全面關閉啵！

1.羅屋民俗館客家屋

哦，好彩1月6號都開返！　

2.香港海防博物館專題覽廳

哦，好彩1月8號都開返！　

3.三棟屋博物館展覽廳

預計年初開放呀？希望唔會好似高鐵工程咁啦，加油呀！唔使急不過最緊要快！

4.香港鐵路博物館舊大埔墟火車站大樓

冇得入去火車站大樓睇展品，不過都仲有得上舊火車影相，好彩啫！

5.香港太空館

太空館就……sorry喇，全館關閉，三月先開返呀。

6.香港藝術館

而太空館隔籬個藝術館呢...... 要閉關三年大翻新呀！

嗱，到時記得check清楚邊啲妙思淫有開先好去呀！不過其實大部份都本嚟就免費嘅，唔一定要等到1月先去。雖然有6間都有工程，不過根據梁書記嘅哲學名言「今日踏出呢步總比聽日踏出早一日」，有12間博物館有得睇總比1間都冇多12間呀嘛，樂觀啲啦香港人！

封面圖片來源：香港旅遊發展局、gakei.com

資料來源：維基百科、香港歷史博物館公告、香港海防博物館網頁、三棟屋博物館網頁、香港鐵路博物館網頁、香港太空館