眾所9知而家北區已經淪陷咗，難為住喺嗰度嘅居民同舖頭，日日同班水貨客搏鬥，真係命都短幾年呀！好似今日又有個水貨客喺上水搞事喇！

呢間位於拉麵舖真係唔好彩，次次都畀水貨客揀中。上次就有個大媽話走水貨走到攰，問都冇問就拎咗間舖嘅櫈仔出去坐（回帶 ：水貨大媽問都冇問就拎拉麵鋪張櫈出去坐），今次就有個水貨客話要買起佢間舖呀！

是咁的，因為啲水貨客成日喺舖頭出面走嚟走去，搞到一地都係紙皮碎，咁人哋拉麵店員工出去打掃下都好合理啫！點知就有個大媽話個員工整到佢，仲話條街唔係拉麵舖，佢哋鍾意點擺啲篋都得喎。個大媽跟手仲搶咗個員工手機，諗住扔落地?呀！

喺呢個毛文就梗係要叫慈母啦，開頭個水貨大叔仲好有霸氣㗎，大大聲話自己有本事買起間拉麵舖，但係拉麵舖老細一句：「有本事你就自己開舖！」就KO咗佢嚕。之後慈母嚟到，個大叔即刻變到好似第二個人咁，畀慈母口頭警告之後就走咗。喂失晒霸氣喎！

嗱，有片有真相㗎：

唉，其實要不是強國人走水貨，香港人早就完蛋了！大家包容下啦包容下啦。

封面圖片及資料來源：麵家山下 麺家 山下 Menya Yamashita